ਕੇਂਦਰੀ ਬਜਟ 2026: ਕੀ ਸਸਤਾ, ਕੀ ਮਹਿੰਗਾ

ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਵੱਲੋਂ ਐਤਵਾਰ ਨੂੰ ਲਗਾਤਾਰ 9ਵੀਂ ਵਾਰ ਪੇਸ਼ ਕੀਤੇ ਗਏ ਬਜਟ ਵਿੱਚ ਆਮ ਲੋਕਾਂ ਅਤੇ ਵੱਖ-ਵੱਖ ਖੇਤਰਾਂ ਲਈ ਕਈ ਅਹਿਮ ਐਲਾਨ ਕੀਤੇ ਗਏ ਹਨ। ‘ਵਿਕਸਿਤ ਭਾਰਤ 2047’ ਦੇ ਟੀਚੇ ਨੂੰ ਮੁੱਖ ਰੱਖਦਿਆਂ ਪੇਸ਼ ਕੀਤੇ ਗਏ ਇਸ ਬਜਟ ਵਿੱਚ ਕੁਝ ਚੀਜ਼ਾਂ ਸਸਤੀਆਂ ਹੋਈਆਂ ਹਨ ਅਤੇ ਕੁਝ ਮਹਿੰਗੀਆਂ।

ਇਸ ਬਜਟ ਵਿੱਚ ਟੈਕਸ ਨੂੰ ਲੈ ਕੇ ਕੋਈ ਬਹੁਤ ਵੱਡੀ ਰਿਆਇਤ ਨਹੀਂ ਦਿੱਤੀ ਗਈ, ਪਰ ਖੇਤੀਬਾੜੀ ਅਤੇ ਰੱਖਿਆ ਵਰਗੇ ਖੇਤਰਾਂ ਦੇ ਬਜਟ ਵਿੱਚ ਖਾਸ ਵਾਧਾ ਕੀਤਾ ਗਿਆ ਹੈ। ਇਕ ਵੱਡਾ ਬਦਲਾਅ ਇਹ ਹੈ ਕਿ 1 ਅਪ੍ਰੈਲ 2026 ਤੋਂ ਦੇਸ਼ ਵਿੱਚ ਨਵਾਂ ਇਨਕਮ ਟੈਕਸ ਐਕਟ ਲਾਗੂ ਹੋਣ ਜਾ ਰਿਹਾ ਹੈ।

ਕੀ ਹੋਇਆ ਸਸਤਾ?

ਆਮ ਲੋਕਾਂ ਨੂੰ ਰਾਹਤ ਦਿੰਦੇ ਹੋਏ ਕਈ ਚੀਜ਼ਾਂ ਦੀਆਂ ਕੀਮਤਾਂ ਵਿੱਚ ਕਟੌਤੀ ਕੀਤੀ ਗਈ ਹੈ:

• ਸਿਹਤ: ਕੈਂਸਰ ਦੀਆਂ 17 ਅਹਿਮ ਦਵਾਈਆਂ ਅਤੇ ਸ਼ੂਗਰ (ਡਾਇਬੀਟੀਜ਼) ਦੀਆਂ ਦਵਾਈਆਂ ਸਸਤੀਆਂ ਹੋਣਗੀਆਂ।
• ਪਹਿਰਾਵਾ ਤੇ ਫੁਟਵੀਅਰ: ਚਮੜੇ (ਲੇਦਰ) ਦੇ ਜੁੱਤੇ, ਕੱਪੜੇ ਅਤੇ ਸਿੰਥੈਟਿਕ ਫੁਟਵੀਅਰ ਦੀਆਂ ਕੀਮਤਾਂ ਘਟਣਗੀਆਂ।
• ਇਲੈਕਟ੍ਰਾਨਿਕਸ: ਮਾਈਕ੍ਰੋਵੇਵ ਓਵਨ ਸਸਤੇ ਹੋਣਗੇ।
• ਊਰਜਾ: ਸੋਲਰ ਗਲਾਸ, ਬਾਇਓਗੈਸ ਮਿਕਸਡ CNG ਅਤੇ ਸੋਲਰ ਊਰਜਾ ਨਾਲ ਸਬੰਧਤ ਚੀਜ਼ਾਂ ਸਸਤੀਆਂ ਹੋਣਗੀਆਂ।
• ਹੋਰ: ਵਿਦੇਸ਼ੀ ਯਾਤਰਾ, EV (ਇਲੈਕਟ੍ਰਿਕ ਵਾਹਨ) ਬੈਟਰੀਆਂ, ਜਹਾਜ਼ਾਂ ਦਾ ਤੇਲ ਅਤੇ ਏਅਰਕ੍ਰਾਫਟ ਨਿਰਮਾਣ ਨਾਲ ਜੁੜਿਆ ਸਾਮਾਨ ਸਸਤਾ ਹੋਵੇਗਾ। ਇਸ ਤੋਂ ਇਲਾਵਾ ਚਮੜੇ ਅਤੇ ਕੱਪੜੇ ਦੇ ਨਿਰਯਾਤ ‘ਤੇ ਵੀ ਰਾਹਤ ਦਿੱਤੀ ਗਈ ਹੈ।

ਕੀ ਹੋਇਆ ਮਹਿੰਗਾ?

ਬਜਟ ਵਿੱਚ ਕੁਝ ਵਸਤੂਆਂ ‘ਤੇ ਟੈਕਸ ਵਧਣ ਨਾਲ ਉਹ ਮਹਿੰਗੀਆਂ ਹੋ ਜਾਣਗੀਆਂ:

• ਸ਼ਰਾਬ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਵੇਗਾ।
• ਮਿਨਰਲਸ ਅਤੇ ਸਕ੍ਰੈਪ ਵੀ ਮਹਿੰਗੇ ਹੋ ਗਏ ਹਨ।

ਬਜਟ ਦੀਆਂ ਕੁਝ ਹੋਰ ਅਹਿਮ ਗੱਲਾਂ:

• ਨਵਾਂ ਇਨਕਮ ਟੈਕਸ ਐਕਟ: 1 ਅਪ੍ਰੈਲ 2026 ਤੋਂ ਨਵਾਂ ਇਨਕਮ ਟੈਕਸ ਕਾਨੂੰਨ ਲਾਗੂ ਹੋਵੇਗਾ।
• ਵਿਕਸਿਤ ਭਾਰਤ 2047: ਇਹ ਬਜਟ ਭਾਰਤ ਨੂੰ ਸਾਲ 2047 ਤੱਕ ਇੱਕ ਵਿਕਸਿਤ ਰਾਸ਼ਟਰ ਬਣਾਉਣ ਦੇ ਰਾਹ ‘ਤੇ ਅਹਿਮ ਕਦਮ ਮੰਨਿਆ ਜਾ ਰਿਹਾ ਹੈ।
• ਗਲੋਬਲ ਚੁਣੌਤੀਆਂ: ਇਹ ਬਜਟ ਅਜਿਹੇ ਸਮੇਂ ਪੇਸ਼ ਕੀਤਾ ਗਿਆ ਹੈ ਜਦੋਂ ਦੁਨੀਆ ਭਰ ਵਿੱਚ ਆਰਥਿਕ ਅਨਿਸ਼ਚਿਤਤਾ ਹੈ ਅਤੇ ਭਾਰਤ ਨੂੰ ਉੱਚ ਅਮਰੀਕੀ ਟੈਰਿਫ ਵਰਗੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।